മുലായം മുസ്‌ലീംകളോട് മാപ്പുപറഞ്ഞു

Thursday, July 15, 2010

ലഖ്‌നോ: ബി. ജെ. പി നേതാവ് കല്ല്യണ്‍ സിങിനോട് കൂട്ടുകൂടിയതില്‍ സമാജ്‌വാദി പാര്‍ട്ടി നേതാവ് മുലായം സിങ് യാദവ് മുസ്‌ലിംകളോട് മാപ്പു പറഞ്ഞു. കഴിഞ്ഞ ലോക്‌സഭാ തെരഞ്ഞെടുപ്പില്‍ മുലായം, കല്ല്യാണ്‍ സിങുമായി കൈകോര്‍ത്തിരുന്നു. കേന്ദ്രത്തില്‍ വര്‍ഗ്ഗീയവാദികള്‍ അധികാരത്തില്‍ വരാതിരിക്കാനാണ് താന്‍ അത്തരം ശക്തികളെ കൂട്ടു പിടിച്ചതെന്നും അത് തെറ്റാണെന്ന് ബോധ്യപ്പെട്ടതായും മുലായം സിങ് പറഞ്ഞു.

ബാബ്‌രി മസ്ജിദിന്റെ തകര്‍ച്ചക്ക് ഉത്തരവാദികളായവരുമായി മേലില്‍ ഒരു സഖ്യവുമുണ്ടാകില്ലെന്നും മുസ്‌ലീം സഹോദരങ്ങളുടെ മനസ്സില്‍ മുറിവേല്‍പ്പിച്ചതിന് മാപ്പു പറയുകയാണെന്നും അദ്ദേഹം കൂട്ടിച്ചേര്‍ത്തു. 1992ല്‍ ബാബരി മസ്ജിദ് തകര്‍ത്തപ്പോള്‍ ഉത്തര്‍പ്രദേശ് മുഖ്യമന്ത്രിയായിരുന്നു കല്ല്യാണ്‍ സിംങ്.
madhyamam daily