Friday, August 20, 2010
ഇതേതുടര്‍ന്ന് അല്‍ത്താഫിനെ അറസ്റ്റ് ചെയ്ത പൊലീസ്, കുമളിയിലെ കശ്മീരികളുടെ വ്യാപാര സ്ഥാപനങ്ങളിലും വീടുകളിലും വ്യാപക റെയ്ഡ് നടത്തി. കശ്മീരികള്‍ മുഴുവന്‍ തീവ്രവാദികളാണെന്നാരോപിച്ച് ചില സംഘടനകള്‍ പ്രതിഷേധവുമായി രംഗത്തെത്തിയതോടെ പൊലീസും ചില മാധ്യമങ്ങളും കള്ളക്കഥകളുമായി സജീവമായി.
അല്‍ത്താഫിന്റെ കൈവശമുണ്ടായിരുന്ന മൊബൈല്‍ ഫോണിലെ സിം മറ്റൊരാളുടെ പേരിലുള്ളതാണെന്ന് കണ്ടെത്തിയതും തിരിച്ചറിയല്‍ കാര്‍ഡിലെ പ്രശ്‌നങ്ങളുമാണ് അല്‍ത്താഫിനെ 'തീവ്രവാദി'യാക്കുന്നതിന് പൊലീസ് കരുവാക്കിയത്. ഇതിനിടെ, അല്‍ത്താഫ് ബംഗളൂരുവിലെത്തി രൂപമാറ്റം നടത്തിയെന്നും മുടിവെച്ചുപിടിപ്പിച്ചെന്നും ഒരു പത്രം കള്ളക്കഥ പ്രചരിപ്പിച്ചതോടെ അല്‍ത്താഫ് കൊടും ഭീകരവാദിയെന്ന രീതിയിലായി പൊലീസ് നീക്കങ്ങള്‍. എന്നാല്‍, ശ്രീനഗര്‍ ലാല്‍ ബസാറില്‍ അബ്ദുല്‍ റഷീദ് ഖാന്റെ മകനായ അല്‍ത്താഫ് കശ്മീരില്‍ ശക്തമായിരുന്ന തീവ്രവാദ പ്രവര്‍ത്തനങ്ങളില്‍നിന്ന് ജീവന്‍ ഭയന്നാണ് കുമളിയിലെത്തിയതെന്ന സത്യം മാത്രം ശ്രദ്ധിക്കാന്‍ ആളുണ്ടായില്ല.
പൊലീസും ചില മാധ്യമങ്ങളും ചേര്‍ന്ന് വേട്ടയാടി വിയ്യൂര്‍ ജയിലിലടച്ച അല്‍ത്താഫിന് ഒരു മാസത്തിന് ശേഷം ഹൈകോടതിയാണ് ആദ്യം നീതിയുടെ കരം നീട്ടിയത്. ജാമ്യത്തിലിറങ്ങി കുമളിയിലെ വാടക വീട്ടിലെത്തിയ അല്‍ത്താഫ് തന്നെ തീവ്രവാദിയെന്ന് മുദ്രകുത്തിയവരെ പുഞ്ചിരിയോടെയാണ് സ്വീകരിച്ചത്. കുമളിയിലെ നാട്ടുകാരില്‍ ഒരാളായി നമസ്‌കാരവും ജീവിതചര്യകളുമായി മുന്നോട്ടുപോകുന്ന യുവാവിന് വ്യാഴാഴ്ചത്തെ കോടതിവിധിയിലൂടെ വലിയ ആശ്വാസമാണ് പകര്‍ന്നുകിട്ടിയത്. അല്‍ത്താഫിന്റെ പേരില്‍ കശ്മീരികളെ മുഴുവന്‍ തീവ്രവാദികളാണെന്ന് മുദ്രകുത്താന്‍ ചിലരുടെ ശ്രമം കുമളിയിലെ ജനങ്ങള്‍ നേരത്തേ തന്നെ നിരാകരിച്ചിരുന്നു. അല്‍ത്താഫിനെ കോടതി കുറ്റവിമുക്തനാക്കിയതോടെ തീവ്രവാദ വേട്ടക്കിറങ്ങിയ പൊലീസും ചില മാധ്യമങ്ങളുമാണ് സമൂഹത്തിന് മുന്നില്‍ അപഹാസ്യരായത്.
madhyamam daily
No comments:
Post a Comment