ഗ്രൗണ്ട് സീറോ പള്ളി: നിലപാടില്‍ ഖേദമില്ല -ഒബാമ

Friday, August 20, 2010

വാഷിങ്ടണ്‍: വേള്‍ഡ് ട്രേഡ് സെന്റര്‍ നിലനിന്ന സ്ഥലത്തിനരികെ മുസ്‌ലിം പള്ളി നിര്‍മിക്കുന്നതിനെ അനുകൂലിച്ചതില്‍ പശ്ചാത്താപമില്ലെന്ന് യു.എസ്. പ്രസിഡന്റ് ബറാക് ഒബാമ. പള്ളി നിര്‍മാണത്തെ ഒബാമ പിന്താങ്ങിയതില്‍ ഭരണകക്ഷി അംഗങ്ങള്‍പോലും വിമര്‍ശിച്ച സാഹചര്യത്തിലാണ് അദ്ദേഹം നിലപാട് വ്യക്തമാക്കിയത്.

'മറ്റെല്ലാ മതക്കാരെയുംപോലെ മുസ്‌ലിംകള്‍ക്കും സ്വന്തം വിശ്വാസം പുലര്‍ത്താന്‍ സ്വാതന്ത്ര്യമുണ്ട്. മാന്‍ഹട്ടനില്‍ നിയമാനുസൃതം ആരാധനാലയം നിര്‍മിക്കുന്നത് ഇതില്‍ പെടും. എല്ലാവരെയും തുല്യരായി കാണുന്ന അമേരിക്കന്‍ പാരമ്പര്യം ഉയര്‍ത്തിപ്പിടിക്കുകയാണ് താന്‍' -അദ്ദേഹം പറഞ്ഞു.
madhyama daily