തിരൂര്‍ക്കാട് എ. എം. അന്തരിച്ചു.

തിരൂര്‍ക്കാട്: ആഗസ്ത്. 22

പ്രശസ്ത പണ്ഡിതനും ജമാ അത്തെ ഇസ്ലാമിയുടെ സജീവ പ്രവര്‍ത്തകനുമായ എ. മുഹമ്മദ് മൌലവി എന്ന എ. എം. അന്തരിച്ചു. പെരിന്തല്‍മണ്ണയിലെ സ്വകാര്യ ആസ്പത്രിയില് ഇന്നലെ രാത്രി 7. 45 ന്നായിരുന്നു അന്ത്യം. ഇന്ന് (ശനി) ഉച്ചക്ക് 12 മണിക്ക് തിരൂര്‍ക്കാട് ഖാസിം ദര്‍വേഷ് ഫഖ്രു ജുമാ മസ്ജിദ് ഖബര്‍സ്ഥാനില് മറവ് ചെയ്തു.

ദീര്‍ഘകാലം തിരൂര്‍ക്കാട് ഇലാഹിയ കോളജ് അദ്ധ്യാപകനായി സേവനമനുഷ്ടിച്ച എ. എം വിശ്രമ ജീവിതം നയിക്കുകയായിരുന്നു. തിര്രുര്‍ക്കാടും പരിസരങ്ങളിലും മത – സാമൂഹ്യ – സാംസ്കാരിക മേഖലകളിലെ നിറഞ്ഞ സാന്നിദ്ധ്യമായിരുന്ന ഇദ്ദേഹം നുസ്രതുല് ഇസ്ലാം ട്രസ്റ്റ് അംഗവും ആദ്യകാലത്തെ ഇലാഹിയ കോളജ് പ്രിന്‍സിപ്പാളുമായിരുന്നു. ജമാ അത്തെ ഇസ്ലാമി കേരള അമീര് ടി. ആരിഫലി, അസിസ്റ്റന്റ് അമീര് എം. ഐ. അബ്ദുല് അസീസ് തുടങ്ങി വലിയൊരു ശിഷ്യ സമ്പത്തിന്റെ ഉടമയായ അദ്ദേഹത്തിന്ന് രണ്ട് പുത്രന്മാരും ഒരു പുത്രിയും ജീവിച്ചിരിപ്പുണ്ട്.