ഉറുമ്പുകളുടെ കു‌ട്ടുകാരന്‍

അനുചരന്മാരോടോന്നിച്ചു യാത്ര ചെയ്യുകയായിരുന്ന പ്രവാചകന്‍ ഒരിടത്ത് വിശ്രമിക്കുകയായിരുന്നു. അതിനിടെ അദ്ദേഹം പരിസരം കാണാനിറങ്ങി നടന്നു. അപ്പോള്‍ അല്പമകലെ തീ ആളിക്കത്ത്ന്നത് ശ്രദ്ധയില്‍ പെട്ടു. തണുപ്പകറ്റാന്‍ ആരോ തീ കത്തിച്ചതായിരുന്നു. അവിടെയെത്തിയ പ്രവാചകന്റെ ശ്രദ്ധയില്‍ ഒരു ഉറുമ്പിന്‍ കുട്ടം പെടുകയുണ്ടായി . അവ തീയില് കരിഞ്ഞു പോകുമെന്ന് അദ്ദേഹം മനസ്സിലാക്കി. അതദ്ദേഹത്തിന്നു സഹിക്കാന്‍ കഴിഞ്ഞില്ല. അദ്ദേഹം അനുച്ചരന്മാരോടു വിളിച്ചു ചോദിച്ചു: ആരാണ് തീ കത്തിച്ചത്?
"ഞാനാണ്". അവരിലൊരാള്‍ പറഞ്ഞു.
"എന്കില്‍ വേഗം അത് കെടുത്തുക". തിരുമേനി കല്പിച്ചു.
തീ മുഴുവനും കെട്ട് പോകുന്നത് വരെ പ്രവാചകന്‍ അവിടെ നിന്നു. ഉറുമ്പുകള്‍ രക്ഷപ്പെട്ടുവെന്നു ബോധ്യമായപ്പോള്‍ അവിടുന്ന് ആത്മഗതം ചെയ്തു: "സര്‍വ സ്തുതിയും അല്ലഹുവിന്നാണ്."